ყველანაირად ცდილობენ უმოკლეს დროში დაგვაბრუნონ საქართველოში - რას ამბობენ ყაზახეთში ჩარჩენილი ქართველები

ყაზახეთში ჩარჩენილი საქართველოს მოქალაქე, ბაჩანა მელაშვილი სოციალურ ქსელში მორიგ მიმართვას ავრცელებს.

მისი თქმით, უკვე დაუკავშირდნენ შესაბამის სტრუქტურებს და მუშაობენ მის საქართველოში დაბრუნების საკითხთან დაკავშირებით.

„გამარჯობათ დღეს ვესაუბრეთ შესაბამის სტრუქტურებს და ყველანაირად ცდილობენ, რომ უმოკლეს დროში დაგვაბრუნონ საქართველოში, ანუ უყურადღებოდ არ დაგვტოვეს და ტელევიზიები ნუ ავრცელებენ ცრუ ინფორმაციებს, დღეს თუ რამე ითქვა ტელევიზიით არის ძველი ჩანაწერი“,- წერს  ბაჩანა მელაშვილი.

ცნობისთვის, ყაზახეთის ქალაქ ალმათიში მყოფმა საქართველოს მოქალაქემ ბაჩანა მელაშვილმა  6 იანვარს ვიდეო მიმართვა გაავრცელა სადაც დახმარებასა და ყურადღებას ითხოვდა.