უკრაინაში ნაკრძალების 20% და 3 მილიონი ჰექტარი ტყის მასივი დაზიანდა

უკრაინაში რუსეთის შეჭრის შედეგად ნაკრძალების დაახლოებით 20% და 3 მილიონ ჰექტარზე მეტი ტყის მასივი დაზიანდა.

ასევე, რუსების მიერ ოკუპირებულია 8 ნაკრძალი და 10 ეროვნული პარკი.

განადგურების საფრთხის ქვეშაა 16 ობიექტი, რომელთა ფართობი თითქმის 600 ათასი ჰექტარია.

ველური ბუნების მსოფლიო ფონდის უკრაინის ფილიალის განცხადებით, „განადგურებული გარემო და აგრესორის მიერ ამოწურული ბუნებრივი რესურსები არის ის, რაც დეოკუპირებულ ტერიტორიებს რჩება“.