სროლა ჯასტინ ბიბერის კონცერტზე - წვეულების შემდეგ ოთხი ადამიანი დაჭრეს

ჯასტინ ბიბერის კონცერტის შემდეგ გამართულ წვეულებაზე ოთხი ადამიანი დაჭრეს.

როგორც უცხოური გამოცემა წერს, ათამდე გასროლა მაშინ მოხდა, როდესაც ცნობილი ადამიანები შენობაში შესვლას ელოდებოდნენ. შემთხვევა დილის 3 საათისთვის მოხდა.

გავრცელებული ინფორმაციით, მსროლელები კვლავ თავისუფლებაში არიან. ამ დროისთვის ოთხივე დაჭრილის მდგომარეობა სტაბილურია.

უცნობია ვინ გახსნა ცეცხლი და ვინ იყო სამიზნე.

Super Bowl-ის მორიგი წვეულება კვირას უნდა გაიმართოს. წვეულებაზე მიწვეულები არიან ცნობილი ვარსკვლავები, მათ შორის ლეონარდო დიკაბრიო, ტობი მაგუაიერი, კენდალ ჯენერი, ქლოე კარდაშიანი და სხვა.