პოლონეთში უკრაინელი ექსპერტები ჩავიდნენ, მათ რაკეტის ჩამოვარდნის ფაქტის გამოძიება ევალებათ

პოლონეთში უკრაინელი ექსპერტები ჩავიდნენ, მათ რაკეტის ჩამოვარდნის ფაქტის გამოძიება ევალებათ. ინფორმაციას უკრაინის საგარეო საქმეთა მინისტრი კოლეგასთან საუბრის შემდეგ "ტვიტერზე" ავრცელებს.

"მქონდა სატელეფონო საუბარი ზბიგნევ რაუსთან. უკრაინა და პოლონეთი ღიად და კონსტრუქციულად ითანამშრომლებენ უკრაინის წინააღმდეგ რუსული სარაკეტო ტერორით გამოწვეულ ინციდენტთან დაკავშირებით. ჩვენი ექსპერტები უკვე პოლონეთში არიან. პოლონელ სამართალდამცავებთან თანამშრომლობით შემთხვევის ადგილზე სწრაფ წვდომას ველოდებით," - წერს დმიტრო კულება.