„ომიკრონის“ გამო, ახალი ზელანდიის პრემიერმა საკუთარი ქორწილი გააუქმა

კორონავირუსის ახალი შტამის გავრცელების საფრთხის გამო, ახალი ზელანდიის პრემიერ-მინისტრმა ჯასინდა არდერნმა საკუთარი ქორწილი გააუქმა.

ინფორმაციას ამის შესახებ CNN-ი ავრცელებს.

„ჩემი ქორწილი არ იქნება - მე ვუერთდები სხვა მოქალაქეებს, რომელთაც, პანდემიის გამო, მსგავსი გამოცდილება აქვთ“, - აღნიშნა მან.

ახალი ზელანდიის პრემიერმა ჟურნალისტებთან მაგალითი განიხილა და თქვა, რომ ქალაქ მოტუეკაში მცხოვრებმა ერთმა ოჯახმა, რომლის წევრებსაც „ომიკრონი“ ჰქონდათ, ოკლენდში იმოგზაურა - ჯერ ქორწილში იყვნენ, შემდეგ დაკრძალვას დაესწრნენ, ბოლოს კი, გასართობ პარკსა და ტურისტულ ატრაქციონს ესტუმრნენ, მრავალი ადამიანი დააინფიცირეს და, ეპიდვითარების თვალსაზრისით, ქვეყანაში „წითელი შუქი“ აანთეს.