ოკუპანტებმა „აზოვსტალზე“ შტურმი დაიწყეს

რუსმა ოკუპანტებმა მარიუპოლის „აზოვსტალის“ ქარხანაზე შტურმი დაიწყეს. ამის შესახებ უკრაინული მედია წერს. 

„სწორედ ახლა ცდილობენ ქარხნის ტერიტორიაზე შეჭრას. მეტი დეტალი ჯერ არ არის“, - განაცხადა ცაპლიენკომ.

ინფორმაციაა „აზოვის“ პოლკის მეთაურის მოადგილე ადასტურებს. 

რუსული მედია შტურმის კადრებს აქვეყნებს

"მთელი ღამე გვაბომბავდნენ, დაიღუპა ორი ქალი, ახლა კი „აზოვსტალზე“ შტურმს ახორციელებენ", - განაცხადა „აზოვის“ პოლკის მეთაურის მოადგილემ, სვიატოსლავ პალამარმა.

მისივე თქმით, შტურმამდე რუსული ავიაცია რამდენიმე საათის განმავლობაში ბომბავდა „აზოვსტალს“, რამაც მასშტაბური ხანძარი გამოიწვია.