NATO-ს ბაზები ფინეთსა და შვედეთში მათ არ დაიცავს - რუსეთის დუმის სპიკერი

რუსეთის დუმის სპიკერი, ვიაჩესლავ ვოლოდინი ამბობს, რომ NATO-ს ბაზები ფინეთსა და შვედეთში ამ ქვეყნებს არ დაიცავს, პირიქით, მათ მოსახლეობას მხოლოდ საფრთხეს შეუქმნის. ამის შესახებ უცხოური მედია წერს. 

მანამდე ფინეთის ქალაქ ლაპენრანტას მერი, კიმო იარვუ ქალაქში NATO-ს ბაზის განთავსების ინიციატივით გამოვიდა.

რუსეთის დუმის სპიკერის თქმით, მერის მოსაზრება, რომ ეს შექმნის უსაფრთხოების განცდას, მცდარია, რადგან კონფლიქტის შემთხვევაში, დარტყმები, უპირველეს ყოვლისა, მიმართულია მტრის სამხედრო ინფრასტრუქტურაზე.