„ის ევროპულ ფეხბურთში ერთ-ერთი ყველაზე დაუფასებელია“ - ნაკრების რომელ ფეხბურთელზე საუბრობს სანიოლი
1725736648
კანადაში სასამართლოს გადაწყვეტილებით, აუცრელ მამას შვილის მონახულების უფლება დროებით შეეზღუდა. ამის შესახებ BBC-ი წერს.
მოსამართლის გადაწყვეტილებით, მამის ვიზიტები ბავშვის „საუკეთესო ინტერესებში“ არ არის. მოსამართლემ გადაწყვეტილება მას შემდეგ მიიღო, რაც მამამ სასამართლოს დღესასწაულების პერიოდში შეხვედრების დროის გახანგრძლივება სთხოვა.
მოსამართლის გადაწყვეტილებით, მამას შვილის მონახულების უფლება თებერვლამდე შეეზღუდება. დღესასწაულების პერიოდში შეხვედრების დროის გახანგრძლივებას ბავშვის დედა ეწინააღმდეგებოდა. მან სასამართლოს უთხრა, რომ ცოტა ხნის წინ გაიგო, რომ ბავშვის მამა აცრილი არ იყო და სასამართლოს სოციალურ მედიაში გამოქვეყნებული პოსტები აჩვენა, რომელშიც ბავშვის მამა ვაქცინაციას ეწინააღმდეგება.
ბავშვის დედა პარტნიორთან და კიდევ ორ მცირეწლოვან შვილთან ერთად ცხოვრობს. ბავშვები ასაკის გამო კორონავირუსზე აცრილები არ არიან.
მოსამართლის თქმით, კვებეკის პროვინციაში კორონავირუსის შემთხვევების ზრდის გამო ბავშვის საუკეთესო ინტერესებში არ არის, რომ მამასთან კონტაქტი ჰქონდეს.