ლუკა ბერულავამ და ანასტასია მეტელკინამ მსოფლიო ჩემპიონატი მეოთხე ადგილზე დაასრულეს და ოლიმპიადის ლიცენზია მოიპოვეს

ფიგურული ციგურაობის მსოფლიო ჩემპიონატზე ძალიან ცოტა დააკლდა მედლამდე ლუკა ბერულავასა და ანასტასია მეტელკინას წყვილს.

ისინი სპორტულ წყვილებში მოკლე პროგრამითაც მეოთხეები იყვნენ და თავისუფალი პროგრამითაც. თავისუფალში 130,53 ქულა მიიღეს, საერთო ჯამში – 202,21.

მესამეადგილოსან იტალიურ წყვილს, სარა კონტისა და ნიკოლო მაჩის, 210,47 ქულა ჰქონდა. ჩემპიონობა კი იაპონელებმა მოპიოვეს, რიკუ მიურამ და რიუიჩი კიჰარამ – 219,78.

ბერულავამ და მეტელკინამ მსოფლიო ჩემპიონატზე ნაჩვენები შედეგით ოლიმპიადის ლიცენზია მოიპოვეს.