გერმანიამ უკრაინას სამხედრო დახმარების მორიგი პაკეტი გადასცა

გერმანიის მთავრობამ უკრაინას სამხედრო დახმარების მორიგი პაკეტი გადასცა. ინფორმაციას გერმანიის მთავრობა საკუთარ ვებ-გვერდზე ავრცელებს.

უკრაინა გერმანიისგან Leopard-ის ტიპის 15 ტანკს, IRIS-T SLM და IRIS-T SLS ტიპის ორ ჰაერსაწინააღმდეგო სისტემას, Patriot-ის ტიპის ორ გამშვებ დანადგარს, TRML-4D ორ რადარს მიიღებს.

სამხედრო დახმარების ახალ პაკეტში უკრაინას აგრეთვე გადაეცემა უპილოტო საფრენი აპარატები, სადესანტო მანქანები და ავტომობილები.

რაც შეეხება მიწოდების ვადებს, როგორც გერმანიის მთავრობაში განმარტავენ, უსაფრთხოების მიზნებიდან გამომდინარე, ეს საიდუმლოა.