"ფსონი დიდია - მთელი უკრაინა" - შედგება თუ არა ილონ მასკისა და პუტინის დუელი?!

ამერიკელი მილიარდერი ილონ მასკი რუსეთის პრეზიდენტ ვლადიმირ პუტინს ერთი ერთზე ბრძოლაში იწვევს  - ფსონი დიდია - მთელი უკრაინა. 

SpaceX-ის აღმასრულებელმა დირექტორმა ილონ მასკმა ვლადიმერ პუტინს მოუწოდა, იბრძოლოს ერთზე ერთი უკრაინისთვის.

"მე გამოვიწვიე ვლადიმირ პუტინი, ერთი ერთზე ბრძოლაში, ფსონი უკრაინაა", - დაწერა მასკმა Twitter-ზე.

კომენტარებში მილიარდერმა კრემლს ჰკითხა - თანახმა არიან თუ არა დუელზე: "თანახმა ხართ ამ ბრძოლაზე? @KremlinRussia_E" - წერს მასკი.

მანამდე SpaceX-ისა და Tesla-ს დამფუძნებელმა და გამომგონებელმა ილონ მასკმა უკრაინას მხარდაჭერა გამოუცხადა, რომელიც რუსეთის ფედერაციის წინააღმდეგ იბრძვის.

"უკრაინა, მოითმინე“, - წერს ის სოციალურ ქსელში.

ამის შემდეგ, Twitter-ით მასკმა სამძიმარი გამოუცხადა "რუსეთის დიდ ხალხს, რომლებსაც ეს არ სურთ" (იგულისხმება რუსეთის ომი უკრაინის წინააღმდეგ).

რუსეთის პრეზიდენტს ილონ მასკის ტვიტისთვის ჯერ არ უპასუხია.