რა გეგმები აქვს ილონ მასკს უკრაინაში - SpaceX-ის დამფუძნებელი ვოლოდიმერ ზელენსკის ესაუბრა

უკრაინის პრეზიდენტი ვოლოდიმირ ზელენსკი Twitter-ის გვერდზე წერს, რომ SpaceX-ის დამფუძნებელ ილონ მასკს ესაუბრა.

„ვესაუბრე ილონ მასკს. მისი მადლობელი ვარ, უკრაინის სიტყვებითა და საქმით მხარდაჭერისთვის. მომავალ კვირას ჩვენ მივიღებთ Starlink-ის სისტემების კიდევ ერთ პარტიას განადგურებული ქალაქებისთვის. განვიხილეთ შესაძლო კოსმოსური პროექტები, მაგრამ ამაზე ომის შემდეგ ვისაუბრებ“, - წერს ვოლოდიმირ ზელენსკი.

შეგახსენებთ, რომ Starlink-ი არის სისტემა, რომლითაც შესაძლებელია დედამიწის ნებისმიერ წერტილში გქონდეს ინტერნეტი. არაა საჭირო რაიმე ინფრასტრუქტურა, დენისა და მიმღები მოწყობილობის გარდა.