ევროვიზიაზე Kalush Orchestra-ს მოწოდების შემდეგ, მთელი მსოფლიო „აზოვსტალს“ გუგლავს - მედია

2022 წლის ევროვიზიის ფინალში Kalush Orchestra-მ სცენიდან მთელ მსოფლიოს მიმართა.

„გთხოვთ დაეხმარეთ უკრაინას, მარიუპოლს! დაეხმარეთ აზოვსტალს! ახლავე!“, - მოუწოდა მუსიკალურმა ჯგუფმა მსოფლიოს.

მას შემდეგ, რაც ჯგუფი ევროვიზიაზე გამოვიდა, მთელი მსოფლიო გუგლში ეძებს სიტყვებს:  „აზოვსტალი“ და „მარიუპოლი“. 

როგორც უკრაინული მედია წერს, მარიუპოლი არის უკრაინული ქალაქი, რომელსაც რუსეთი მიზანმიმართულად ანგრევს. რუსეთის შემოსევის დასაწყისიდანვე მარიუპოლი ოკუპანტების სამიზნე გახდა.

წინასწარი მონაცემებით, რუსეთმა მარიუპოლში 20 000-ზე მეტი მშვიდობიანი მოქალაქე მოკლა.

იტალიაში, ევროვიზია 2022-ის ფინალურ კონცერტზე, გამარჯვებული უკრაინა გახდა. ქვეყანა ჯგუფმა Kalush Orchestra-მ, სიმღერით Стефанія წარადგინა.