რა რეაქცია ჰქონდა უკრაინელ კომენტატორს, რომელმაც ევროვიზიაზე უკრაინის გამარჯვება გამოაცხადა - ემოციური ვიდეო

ევროვიზიის 2022-ის კომენტატორი ტიმურ მიროშნიჩენკო პირდაპირ ეთერში ატირდა და უკრაინული ჯგუფის Kalush Orchestra-ს გამარჯვება გამოაცხადა.

მედიაში უკრაინელი კომენტატორის ვიდეო გამოჩნდა, რომელიც ბომბის თავშესაფრიდან კონკურსზე კომენტარს ემოციურად აკეთებდა.

„ჩვენ ვიმარჯვებთ მუსიკალურ ფრონტზე, ჩვენ გავიმარჯვებთ სწორედ ფრონტზეც. უკრაინის შეიარაღებული ძალებო - ეს გამარჯვება თქვენთვისაა. ყველას, ვინც დღეს იცავს ჩვენს ქვეყანას. უკრაინას!" - თქვა ტირილით მიროშნიჩენკომ.

მან დასძინა, რომ ეს გამარჯვება ძალიან მნიშვნელოვანია ყველა უკრაინელისთვის, შემდეგ კი ყველას მოუწოდა, რომ ემოციები არ შეიკავონ.