დიდმა ბრიტანეთმა უკრაინას „ბრიმსტოუნ 2-ის“ ტიპის რაკეტები გაუგზავნა

დიდმა ბრიტანეთმა უკრაინას „ბრიმსტოუნ 2-ის“ ტიპის რაკეტები გაუგზავნა, - ამის შესახებ ინფორმაციას გაერთიანებული სამეფოს თავდაცვის სამინისტრო ავრცელებს.

უწყებამ „ტვიტერის“ გვერდზე ვიდეო გამოაქვეყნა, რომელშიც ჩანს, თუ როგორ ტვირთავენ საჰაერო ძალების კუთვნილ სატრანსპორტო თვითმფრინავში რაკეტებს.

„ბრიმსტოუნის“ პირველი თაობის რაკეტები დიდმა ბრიტანეთმა უკრაინას 6 თვის წინ გადასცა. ამჯერად კი უკრაინა მეორე თაობის, თანამედროვე რაკეტებს მიიღებს.