ჩვენ რუსები ვართ, ჩვენ ვატარებთ ამ სახელს ღირსეულად - თინა კანდელაკის მიმართვა

ომის პარალელურად რუსეთში პუტინის მიერ გამართულ კონცერტზე მაყურებლის წინაშე კრემლის პროპაგანდისთი თინა კანდელაკი გამოვიდა.

„მოგესალმებით ჩვენო დიდი ქვეყნის მოსახლეობავ. მე თინა კანდელაკი ვარ, დავიბადე საქართველოში. 1995 წლიდან ამოვირჩიე რუსეთი და ამ წლიდან ჩემი სამშობლო რუსეთია, ჩემი სამშობლო საქართველოც არის. ჩვენ ადამიანები, რომლებიც სხვადასხვა ენაზე ვსაუბრობთ, მაგრამ  ვცხოვრობთ რუსეთში, გვაერთიანებდა ის, რომ რუსეთმა მიგვიღო, ვუყვარვართ და მოგვცა შესაძლებლობა მივაღწიოთ მიზანს და არასდროს გვიკრძალავდა და არ დევნიდა ჩვენს კულტურას. ჩვენ რუსები ვართ, ჩვენ  ვატარებთ ამ სახელს ღირსეულად, მიუხედავად იმ სირთულეებისა რაც ახლა ხდება. შეეცადნენ, რომ წაერთვათ ჩვენთვის დროშა და ჰიმნი. ჩვენი სპორტსმენები გამოაგდეს პარალიმპიადიდან, მხოლოდ იმიტომ, რომ ჩვენ რუსულად ვსაუბრობთ. ჩვენ გამოვიგონეთ ციმბირის წყლულის წამალი, აღმოვაჩინეთ ანტარქტიკა. ჩვენი თეატრი, კულტურა და სპორტი არის მსოფლიოში საუკეთესო დღესაც. ჩვენ ვერ წაგვშლით, როგორც სოციალური ქსელის ექაუნთი, ჩვენ ვართ ერი, რომლის გატეხა შეუძლებელია და იმ შემთხვევაშიც კი, თუ შეეცდებიან მუხლებზე დაგვაყენონ, მათ არაფერი გამოუვათ, რუსეთი არ დადგება მუხლებზე არასოდეს!“ - აცხადებს თინა კანდელაკი.