Anonymous-მა რამდენიმე რუსული სამთავრობო ვებგვერდი გათიშა - ჰაკერები რუსეთს კიბერომს უცხადებენ

ჰაკერული ჯგუფი „Anonymous" რუსეთს ოფიციალურად კიბერომს უცხადებს - ამის შესახებ ინფორმაცია მათ „ტვიტერის" ოფიციალურ გვერდზე განათავსეს.

შედეგად, უკვე გაითიშა რამდენიმე რუსული სახელისუფლებო საიტი და ასევე სახელმწიფო პროპაგანდის გამავრცელებელი RT News-ის ვებგვერდი.

Anonymous-ი დეცენტრალიზებული, კიბერ-აქტივისტების საერთაშორისო ჰაკერული ორგანიზაციაა, რომელიც ცნობილია თავისი შეტევებით სხვადასხვა მთავრობასა და ორგანიზაციაზე.

Anonymous-ი იბრძვის ISIS-ის და ბავშვთა ტრეფიკინგის წინააღმდეგაც.