ზელენსკი: თუ დარტყმები არ წყდება საახალწლო დღესასწაულების დროსაც კი, მაშინ საჰაერო თავდაცვის აღჭურვილობის მიწოდება აღარ უნდა დაყოვნდეს

რუსეთს ომი შეგნებულად გადააქვს ახალ წელში და ღამის განმავლობაში უკრაინის წინააღმდეგ 200-ზე მეტი შემტევი დრონი გაუშვა, - განაცხადა უკრაინის პრეზიდენტმა, ვოლოდიმირ ზელენსკიმ.

მისი თქმით, დარტყმები განხორციელდა ვოლინის, რივნეს, ზაპოროჟიეს, ოდესის, სუმის, ხარკოვისა და ჩერნიჰივის ოლქებზე.

„სამიზნე ჩვენი ენერგეტიკული ინფრასტრუქტურა იყო“, - აღნიშნა უკრაინის პრეზიდენტმა.

„თუ დარტყმები არ წყდება საახალწლო დღესასწაულების დროსაც კი, მაშინ საჰაერო თავდაცვის აღჭურვილობის მიწოდება აღარ უნდა დაყოვნდეს. ჩვენს მოკავშირეებს აქვთ საჭირო აღჭურვილობა. ვიმედოვნებთ, რომ ყველაფერი, რაზეც დეკემბრის ბოლოს შევთანხმდით აშშ-თან ჩვენი დაცვისთვის, დროულად იქნება მოწოდებული“, - დასძინა მან.