ცნობილი რეპერი და ბლოგერი გარდაიცვალა

ცნობილი რუსი რეპერი და ბლოგერი პაველ ივლევი (პაშა ტექნიკი), 40 წლის ასაკში, ტაილანდში გარდაიცვალა. ბოლო რამდენიმე დღის განმავლობაში რეპერი ტაილანდის საავადმყოფოში, ხელოვნურ კომაში იმყოფებოდა. მას ნარკოტიკული საშუალებით ზედოზირება ჰქონდა. ინფორმაციას BBC-ის რუსული სააგენტო ავრცელებს.

ის იყო რუსული ანდერგრაუნდ ჰიპ-ჰოპის ერთ-ერთი მთავარი ფიგურა და ცნობილი იყო თავისი გამომწვევი ქცევითა და ნარკოტიკული საშუალებების მოხმარებით.

პაშა ტექნიკის ჰოსპიტალიზაციის შესახებ 27 მარტს გახდა ცნობილი. ტაილანდელმა ექიმებმა, რეპერი ფუკეტის საავადმყოფოში ხელოვნურ კომაში შეიყვანეს და დაუკავშირეს ECMO აპარატს, რომელიც მთელი ამ ხნის განმავლობაში მუსიკოსის სხეულში სისხლის მიმოქცევას და სხვა სასიცოცხლო ფუნქციებს უზრუნველყოფდა.

28 მარტს, პროექტმა "გადარჩენილები", რომელიც ნარკოტიკების მოხმარებასთან დაკავშირებულ ფილმებს იღებს და ნარკომომხმარებლებს დამოკიდებულების გამკლავებაში ეხმარება, განაცხადა, რომ რეპერის მდგომარეობა კრიტიკულია და შემდგომი მკურნალობისთვის მისი რუსეთში გადაყვანა შეუძლებელი იყო. რეპერი 4 აპრილს, გვიან ღამით გარდაიცვალა.