„წარმოუდგენელი ტერორი“ - ძიძა 16 ახალგაზრდა ბიჭზე სექსუალური ძალადობისთვის გაასამართლეს

ყოფილი ძიძა გაასამართლეს მის მზრუნველობაში მყოფი 16 ახალგაზრდა ბიჭის სექსუალური ძალადობისთვის. ამის შესახებ უცხოური მედია წერს. 

მეთიუ ანტონიო ზაკრჟევსკი, რომელიც მუშაობდა ოჯახებისთვის სამხრეთ კალიფორნიის მასშტაბით, დააკავეს 2019 წლის მაისში და მოგვიანებით წაუყენეს ბრალი 34 დანაშაულში, მათ შორის არასრულწლოვანთან უხამსი და მზაკვრული ქმედებებისთვის.

ზაკრჟევსკის თავდაპირველად ბრალი წაუყენეს „სამ დანაშაულში 14 წლამდე ასაკის არასრულწლოვანთან უხამსობისა და ბოროტმოქმედებისთვის“, - ნათქვამია საოლქო პროკურატურის განცხადებაში.

მას ასევე წაუყენეს ბრალი ბავშვთა პორნოგრაფიის შენახვაში.

გამოძიების მიმდინარეობისას, მეტი მსხვერპლის იდენტიფიცირება მოხდა ვიდეო მტკიცებულებებისა და საზოგადოების რჩევების მეშვეობით, რამაც ზაკრჟევსკის დამატებითი ბრალი წაუყენა. დანაშაული ჩადენილი იყო 2014 წლის 1-ლი იანვრიდან 2019 წლის 17 მაისამდე. ბავშვები, რომლებზეც კაცი ძალადობდა, 2-დან 12 წლამდე იყვნენ. 

„საოცრად ვამაყობ იმ ახალგაზრდა მსხვერპლებით, რომლებმაც გაბედულად მიიღეს ჩვენება მოძალადის წინააღმდეგ, იმ მშობლებით, რომლებიც მათ გვერდით იყვნენ ყოველ ნაბიჯზე და იმ მშობლებით, რომლებმაც თავად მისცეს ჩვენება“, - თქვა პროკურატურის სპიკერმა.

ზაკრჟევსკის საბოლოო განაჩენი 17 ნოემბერს არის დაგეგმილი.

ასევე დაგაინტერესებთ: 

კაცმა ბანკის გასაძარცვად მოიპარა მანქანა, რომელშიც პატარა ბავშვი იყო, შემდეგ კი ხეს დაეჯახა და გარდაიცვალა

„იმდენად პატარა იყო, რომ მისთვის ელექტროიდის მორგება გართულდა, ნიღაბი კი ძალიან დიდი ჰქონდა“ - ჯორჯ სტინი უმცროსის ტრაგიკული ისტორია