ტრამპმა გუანტანამოს ყურეში 30,000 არალეგალური ემიგრანტის განსახლების გეგმა გამოაქვეყნა

აშშ-ის პრეზიდენტმა, დონალდ ტრამპმა გუანტანამოს ყურეში 30,000 არალეგალური ემიგრანტის განსახლების გეგმა გამოაქვეყნა. ინფორმაციას Daily Mail-ი ავრცელებს.

აშშ-ის სამხედრო ბაზა, რომელიც კუბაში მდებარეობს, ისტორიულად გამოიყენებოდა ტერორიზმში ეჭვმიტანილების დასაკავებლად, 11 სექტემბრის ტერორისტული თავდასხმის შემდეგ.

გუანტანამოს მიგრანტებისთვის გამოყენება, ტრამპის მიერ გადადგმული სიმბოლური ნაბიჯია არალეგალური იმიგრაციის შეჩერების უპრეცედენტო ოპერაციაში, რომელიც დაიწყო მას შემდეგ, რაც თანამდებობა დაიკავა.

საიმიგრაციო და საბაჟო აღსრულება ახორციელებდა რეიდებს მთელი ქვეყნის მასშტაბით, ხოლო სადეპორტაციო ფრენები ყოველდღიურად ხორციელდება შტატებიდან - პრეზიდენტის ადმინისტრაციამ ამ ფაქტის ამსახველი ფოტომასალაც გაავრცელა.

ტრამპმა თქვა, რომ 30,000-საწოლიანი დაწესებულება გამოყენებული იქნება "ყველაზე ცუდი" მიგრანტების ჩასაკეტად და აღნიშნა, თუ რამდენად "ძნელი" იქნება გაქცევა.

პროგრამა მოიცავს ეჭვმიტანილების დაკავებას იმ ქვეყნებიდან, რომლებსაც პრეზიდენტი არ ენდობა და დააკავებს მათ დეპორტაციის შემდეგ.

შიდა უსაფრთხოების მდივანმა, კრისტი ნოემმა გეგმა ოთხშაბათს გამოაქვეყნა, თუმცა ტრამპი ახლა გადავიდა იდეის რეალიზაციაზე.