Reuters-ისა და Ipsos-ის სოციოლოგიური კვლევის მიხედვით, ჰარისი ტრამპს 2% უსწრებს

საინფორმაციო სააგენტო Reuters-მა და ორგანიზაცია Ipsos-მა ერთობლივი სოციოლოგიური კვლევა ჩაატარეს, რომლის თანახმადაც აშშ-ის მოქმედი ვიცე-პრეზიდენტი და „დემოკრატიული“ პარტიის სავარაუდო პრეზიდენტობის კანდიდატი კამალა ჰარისი „რესპუბლიკური“ პარტიის პრეზიდენტობის კანდიდატს დონალდ ტრამპს 2% უსწრებს.

როგორც კვლევაშია აღნიშნული, გამოკითხულთა 44% მხარს ჰარისს უჭერს, ხოლო 42% - ტრამპს. გამოკითხვა 22-23 ივლისს ჩატარდა. კვლევის ცდომილება 3% შეადგენს.

სააგენტოს ცნობით, როცა გასულ კვირას ჯო ბაიდენი ჯერ კიდევ მონაწილეობდა საპრეზიდენტო რბოლაში, ის ტრამპს 2% ჩამორჩებოდა.