ლუკაშენკოს ეს „ვიზიტი“ არის მტრული ჟესტი საქართველოს მიმართ - ევროკომისიის საგარეო სამსახურის პრესსპიკერი

ევროკომისიის საგარეო სამსახურის პრესსპიკერის, პიტერ სტანოს განცხადებით, ლუკაშენკოს ოკუპირებულ აფხაზეთში „ვიზიტი“ საქართველოს მიმართ მტრული ჟესტია.

„ევროკავშირი თვლის, რომ ეს „ვიზიტი" საქართველოს ხელისუფლებასთან კოორდინაციის გარეშე ძირს უთხრის ქვეყნის სუვერენიტეტს და ტერიტორიულ მთლიანობას და მტრული ჟესტია საქართველოს მიმართ," - განაცხადა პიტერ სტანომ „რუსთავი 2-ის“  მიერ დასმული კითხვის საპასუხოდ.