ვგმობთ ალექსანდრე ლუკაშენკოს „ვიზიტს“ აფხაზეთში - ნედ პრაისი

აშშ-ის სახელმწიფო დეპარტამენტის პრესსპიკერმა ნედ პრაისმა ალექსანდრე ლუკაშენკოს ოკუპირებულ აფხაზეთში „ვიზიტი“ დაგმო.

მისი თქმით, ამერიკა  მხარს ვუჭერთ საქართველოს ტერიტორიულ მთლიანობას და სუვერენიტეტს.

„ჩვენ მხარს ვუჭერთ საქართველოს ტერიტორიულ მთლიანობას და სუვერენიტეტს. რუსეთი უნდა იყოს პასუხისმგებელი 2008 წლის ცეცხლის შეწყვეტაზე  რუსეთმა უნდა გაიყვანოს სამხედროები საქართველოს ტერიტორიებიდან და აქვე ვგმობთ ალექსანდრე ლუკაშენკოს ვიზიტს აფხაზეთში“, - განაცხადა ნედ პრაისმა.