„კოსტიუმს მაშინ ჩავიცვამ, როცა ომი დამთავრდება“ - ზელენსკი მედიას პასუხობს

აშშ-ის პრეზიდენტის, დონალდ ტრამპისა და უკრაინის პრეზიდენტის, ვოლოდიმირ ზელენსკის შეხვედრისას პრეზიდენტებს შორის დაძაბული საუბარი გაიმართა.

"პრობლემა მდგომარეობს იმაში, რომ ჩვენ მოგეცით იმის საშუალება, რომ იყოთ ძლიერები და არ ვფიქრობთ, რომ თქვენ შეგიძლიათ იყოთ ძლიერები აშშ-ის გარეშე. თქვენი ხალხი ძალიან მამაცია, მაგრამ ჩვენს გარეშე, თქვენ იქნებით ძალიან სუსტ პოზიციაში. ამჟამად, თქვენ არ გაქვთ შესაბამისი კოზირები. მას შემდეგ, რაც ხელს მოვაწერთ ამ ხელშეკრულებას და შეთანხმებას, თქვენ იქნებით კარგ პოზიციაში. უნდა იყოთ მადლიერი, მაგრამ თქვენ არ გამოხატავთ მადლიერებას, რაც ჩემი აზრით, არ არის მაინცდამაინც კარგი. მგონი, საკმარისი მოვისმინეთ. ასე ვთქვათ, კარგი სატელევიზიო შოუ დავდგით," - განაცხადა ტრამპმა. 

რო­გორც უკ­რა­ი­ნის, ისე ამე­რი­კის პრე­ზი­დენ­ტებ­მა მოგ­ვი­ა­ნე­ბით აღი­ა­რეს, რომ ყვე­ლა­ფე­რი არას­წო­რად წა­რი­მარ­თა, მაგ­რამ უთან­ხმო­ე­ბის სხვა­დას­ხვა მი­ზე­ზი და­ა­სა­ხე­ლეს. ტრამპმა ჟურ­ნა­ლის­ტებს გა­ნუ­ცხა­და, რომ ზე­ლენ­სკის ბრძო­ლა სურს და მშვი­დო­ბის­თვის მზად არაა. ზე­ლენ­სკის თქმით, უკ­რა­ი­ნა­ზე მე­ტად მშვი­დო­ბა არა­ვის უნდა, მაგ­რამ მას უსაფრ­თხო­ე­ბის გა­რან­ტი­ე­ბი სჭირ­დე­ბა.

გარ­და ამი­სა, უნდა აღი­ნიშ­ნოს რომ შეხ­ვედ­რის დროს ჟურ­ნა­ლის­ტე­ბის მხრი­და­ნაც გაჟ­ღერ­და რამ­დე­ნი­მე არაპრო­ფე­სი­ო­ნა­ლუ­რი შე­კი­თხვა. მა­გა­ლი­თად, მე­დი­ის წარ­მო­მად­გე­ნელ­მა ზე­ლენ­სკის მი­მარ­თა კი­თხვით, თუ რა­ტომ არ ატა­რებ­და ოფი­ცი­ა­ლურ კოს­ტი­უმს, რა­ზეც უკ­რა­ი­ნის პრე­ზი­დენ­ტმა უპა­სუ­ხა, რომ კოს­ტი­უმს მა­შინ ჩა­იც­ვამ­და, როცა ომს და­ას­რუ­ლებ­და.