ჯასტინ ტრუდო: თქვენ ვერ წაიღებთ ჩვენს ქვეყანას და ვერ წაგვართმევთ ჩვენს თამაშს

თქვენ ვერ წაიღებთ ჩვენს ქვეყანას და ჩვენს თამაშს ვერ წაგვართმევთ, – ამის შესახებ კანადის პრემიერ-მინისტრმა, ჯასტინ ტრუდომ სოციალურ ქსელში დაწერა.

აღნიშნულის შესახებ ტრუდომ მას შემდეგ დაწერა, რაც ოთხი ერის ტურნირში კანადის ჰოკეის გუნდმა აშშ-ს გუნდი დაამარცხა.

კანადის პრემიერ-მინისტრი ოთხი ერის ტურნირზე აშშ-სა და კანადას შორის გამართულ ფინალურ მატჩს ერთ-ერთ ლუდის ბარში უყურებდა.

მატჩის გამართვამდე კი, თეთრი სახლის პრესმდივანმა, ქეროლაინ ლივიტმა განაცხადა: „მოუთმენლად ველოდებით, როგორ დაამარცხებს შეერთებული შტატების ჰოკეის ნაკრები კანადის, მალე აშშ-ის 51-ე შტატის ნაკრებს“.

You can’t take our country — and you can’t take our game.

— Justin Trudeau (@JustinTrudeau) February 21, 2025