„დიდი ოცეულის“ სამიტზე ვლადიმერ პუტინისა და ვოლოდიმირ ზელენსკის შეხვედრა შეუძლებელია - პესკოვი

მაიამიში "დიდი ოცეულის" სამიტზე ვლადიმერ პუტინისა და ვოლოდიმირ ზელენსკის შეხვედრა შეუძლებელია. ამის შესახებ რუსეთის პრეზიდენტის პრესსპიკერმა, დიმიტრი პესკოვმა ნიუ-დელიში ერთ-ერთ საინფორმაციო სააგენტოს განუცხადა.

მანამდე, უკრაინის პრეზიდენტმა თქვა, რომ მზად არის მაიამიში "დიდი ოცეულის" სამიტზე წავიდეს და პუტინს შეხვდეს, თუ ისიც მიიღებს შეხვედრაში მონაწილეობას.

პესკოვმა კი ასეთი შესაძლებლობა თავიდანვე უარყო, მას "შეუძლებელი" უწოდა და თქვა, რომ თუ უკრაინის პრეზიდენტს ვოლოდიმირ ზელენსკის რუსეთის ლიდერ ვლადიმერ პუტინთან შეხვედრა სურს, მას შეუძლია მოსკოვში ჩავიდეს.