დასახელდა ორი საკვები, რომლის ჭამა ბრიტანეთის სამეფო ოჯახს „აკრძალული" აქვს

სამეფო ოჯახს  აქვს წესების ნაკრები, რომელსაც ისინი იცავენ. ისინი არეგულირებენ კიდეც იმას, თუ რისი ჭამა შეუძლიათ და რისი არა.

ჭამის მკაცრი პროტოკოლი არსებობს და სამეფო მზარეულებს ხშირად ავალებენ სამეფო მენიუდან ორი კონკრეტული ინგრედიენტის გამორიცხვას, წერს Express .

ერთ-ერთი ასეთი ინგრედიენტი, რომელიც გავრცელებულია ბევრ სამზარეულოში, გამოავლინა დედოფალმა კამილამ. მან თქვა, რომ ეს ნიორი იყო: „მეზიზღება ამის თქმა, მაგრამ ნიორი ჩვენთან აკრძალულია", - თქვა მან.

ამის ერთ-ერთი მიზეზი ის არის, რომ საკვების სუნი და გემო შეიძლება დიდხანს შენარჩუნდეს, რაც იმას ნიშნავს, რომ ის შეიძლება უსიამოვნო იყოს როგორც თავად სამეფო ოჯახის წევრებისთვის, ასევე მათთვის, ვისთანაც ურთიერთობენ.

მეორე კულინარიულ შეზღუდვაზე ისაუბრა ყოფილმა სამეფო ბატლერმა და ეტიკეტის სპეციალისტმა გრანტ ჰაროლდმა.

„სამეფო ოჯახი ფრთხილად უნდა იყოს მოლუსკის ჭამის დროს, რადგან ამან შეიძლება მოწამვლა გამოიწვიოს და დატვირთული სამუშაო გრაფიკი ამის საშუალებას არ იძლევა, ამიტომ, როგორც წესი, მას სამეფო მენიუში ვერ ნახავთ“, - თქვა მან.