დააკავეს მღვდელი, რომელმაც ზიარებაზე უარის თქმის გამო, ქალს უკბინა (უცხოეთი)

დააკავეს მღვდელი, რომელმაც ზიარებაზე უარის თქმის გამო, ქალს უკბინა. ამის შესახებ უცხოური მედია წერს. 

გამოცემის ცნობით, შემთხვევა ფლორიდის ერთ-ერთ ეკლესიაში მოხდა. როგორც ჩანს, მღვდელს ქალთან ჩხუბი მოუვიდა.

პოლიციამ განაცხადა, რომ ქალი დაესწრო მსახურებას, რათა მონაწილეობა მიეღო მისი დისშვილის ზიარებაში, მაგრამ როდესაც ის ავიდა პურის მისაღებად, მღვდელმა, სავარაუდოდ, უარი თქვა მისთვის პურის მიცემაზე და ამტკიცებდა, რომ მას არ გადაუდგამს საჭირო ნაბიჯები ზიარების მისაღებად.

თუმცა ქალმა მღვდელს უთხრა, რომ ის სწორად იქცეოდა და ღმერთმა „მიიღო“. ამის შემდეგ ქალმა სცადა პურის ნაჭერი მიეღო, ამ დროს კი მღვდელმა მკლავზე უკბინა. 

პოლიციის მიერ მოპოვებული კამერის კადრებში მღვდელმა უთხრა პოლიციას, რომ ქალი წირვაზე მივიდა, თუმცა ზიარების პროცესის შესახებ არაფერი იცოდა.

„მე მას ვუკბინე. მე ამას არ უარვყოფ. მე ვიცავდი ჩემს თავს და წმინდა საიდუმლოს“, - აღნიშნა მღვდელმა. 

მღვდელმა თქვა, რომ იგი თავდაცვის მიზნით მოქმედებდა მას შემდეგ, რაც მან უარყო მისი ზიარება.

ქალმა მღვდელი დაადანაშაულა იმაში, რომ ის სექსუალურობისა და ჩაცმულობის გამო გამოარჩევდა და სწორედ ამიტომ არ მისცა ზიარების უფლება.