ჩვენ აქ ვიყავით, როცა პირველმა დამპყრობელმა იმპერიამ შემოგვიტია და აქ ვიქნებით, როცა ბოლო ჩამოინგრევა - ვიქტორ ორბანი

„ნუ შევშფოთდებით მათით, ვინც უნგრეთს ჩრდილიდან ან ბრიუსელის სიმაღლეებიდან ესვრის, ისინი თავიანთი წინამორბედების მსგავსად დაასრულებენ“, – ამის შესახებ უნგრეთის პრემიერ-მინისტრმა განაცხადა.

ორბანის თქმით, 1956 წლის მოვლენების დროს, დასავლეთმა უნგრეთს უღალატა.

„დასავლეთს რომ არ ეღალატა – 1945 წლის შემდეგ უკვე მეორედ – წარმატებას მივაღწევდით. 1956 წლის შემდეგ ორმოცი წელი დაგვტოვეს საბჭოთა კომუნისტური პრესის ქვეშ, ფიქრით, რომ საბჭოთა კავშირს ექნებოდა კიდევ ერთი პრობლემა. გაკვეთილი ნათელია. მხოლოდ უნგრელებს შეუძლიათ, მსოფლიოს აჩვენონ უნგრელების სიმართლე და მხოლოდ უნგრელებს შეუძლიათ, დაიცვან საკუთარი სიმართლე იმ საფრთხეებისგან, რომლებიც მათ ემუქრებათ. ჩვენ შეგვიძლია, დავიცვათ უნგრეთის ინტერესები როგორც ქვეყნის შიგნით, ასევე მის ფარგლებს გარეთ. ჩვენ აქ ვიყავით, როცა პირველმა დამპყრობელმა იმპერიამ შემოგვიტია და აქ ვიქნებით, როცა ბოლო ჩამოინგრევა“, – განაცხადა უნგრეთის პრემიერ-მინისტრმა.

ცნობისთვის, 1956 წლის ოქტომბერში უნგრეთში გაიმართა მასობრივი ანტიკომუნისტური დემონსტრაციები, რაც დასრულდა დემოკრატიული მთავრობის ჩამოყალიბებით იმრე ნაგის ხელმძღვანელობით. ამის საპასუხოდ საბჭოთა კავშირმა ჯარები გაგზავნა უნგრეთში და ჩაახშო აჯანყება, ნაგი კი დააპატიმრეს და სიკვდილით დასაჯეს.