ჩრდილოეთ კორეამ სამხრეთ კორეის სასაზღვრო კუნძულს ჭურვები ესროლა

ჩრდილოეთ კორეამ სამხრეთის კუნძულ იონპიონგის მიმართულებით 200-ზე მეტი საარტილერიო ჭურვი ისროლა - ინფორმაციას BBC სამხრეთ კორეის თავდაცვის უწყებაზე დაყრდნობით ავრცელებს.

უწყებამ სამხრეთ კორეამ კუნძულზე მცხოვრები მშვიდობიანი მოსახლეობისთვის ევაკუაციის გაფრთხილება გასცა, მაგრამ ჯერ არ არის დადასტურებული უკავშირდება თუ არა ეს განკარგულება დაბომბვას.

სამხრეთ კორეა ჩრდილოეთ კორეის ამ ნაბიჯს გმობს და პროვოკაციულ ქმედებად აფასებს. გავრცელებული ინფორმაციით, საარტილერიო ჭურვებს სამხრეთ კორეის ტერიტორიაზე არ შეუღწევია, რადგან ყველა მათგანი ორ ქვეყანას შორის ბუფერულ ზონაში დაეშვა. ინციდენტს ქვეყნის მოსახლეობისთვის, ან სამხედროებისთვის ზიანი არ მიუყენებია.