ჩეხეთის პრეზიდენტი და პრემიერი NATO-ს სამიტზე ცალკე დელეგაციებით გაემგზავრებიან

ჩეხეთის პრეზიდენტი და პრემიერ-მინისტრი NATO-ს სამიტზე ცალკე დელეგაციებით გაემგზავრებიან. გადაწყვეტილებას წინ თითქმის ექვსთვიანი დავა უძღოდა, რომელიც პრეზიდენტსა და პრემიერ-მინისტრს შორის სამიტზე ქვეყნის წარმომადგენლობის ფორმატს უკავშირდებოდა.

პრეზიდენტმა პეტრ პაველმა სამიტში მონაწილეობის უფლება საკონსტიტუციო სასამართლოს გადაწყვეტილების საფუძველზე მოიპოვა. მიუხედავად ამისა, მთავრობამ ოფიციალური დელეგაციის ხელმძღვანელად პრემიერ-მინისტრი ანდრეი ბაბიში დანიშნა.

ოფიციალური ინფორმაციით, პრემიერ-მინისტრი NATO-ს  სამიტის ორივე ძირითად ღონისძიებაში არაფორმალურ ვახშამსა და ჩრდილოატლანტიკური საბჭოს სხდომაში მიიღებს მონაწილეობას. ამასთან, პრეზიდენტის ოფიციალური პროგრამა პრაღის სასახლეს ჯერჯერობით არ გამოუქვეყნებია.

სამთავრობო დელეგაციის შემადგენლობაში ასევე არიან საგარეო საქმეთა მინისტრი პეტრ მაჩინკა, თავდაცვის მინისტრი იარომირ ზუნა და NATO-ს საკითხებში მთავრობის წარმომადგენელი იაკუბ ლანდოვსკი.