ბაიდენმა საგანგებო მდგომარეობა გამოაცხადა იმის გამო, რომ საკმარისი ელექტროენერგიის წარმოების ხელმისაწვდომობას საფრთხე ემუქრება

ელექტროენერგიის საკმარისი წარმოების ხელმისაწვდომობის საფრთხესთან დაკავშირებით, აშშ-ის პრეზიდენტმა, ჯო ბაიდენმა საგანგებო მდგომარეობა გამოაცხადა. ამის შესახებ აღნიშნულია აშშ-ის პრეზიდენტის ადმინისტრაციის მიერ გავრცელებულ განცხადებაში.

განცხადების მიხედვით, აშშ-ის პრეზიდენტმა აღნიშნული გადაწყვეტილება მომხმარებლის მოსალოდნელი მოთხოვნის დასაკმაყოფილებლად მიიღო.

აშშ-ის პრეზიდენტმა შესაბამის სამსახურებს გადაუდებელი ზომების მიღება დაავალა, რათა გაზარდოს პროდუქციის მიწოდება მზის ენერგიის მწარმოებლებისთვის.

ამასთან, ბაიდენის გადაწყვეტილებით, სამხრეთ-აღმოსავლეთ აზიის ქვეყნებიდან მზის პანელების იმპორტზე ტარიფები ორი წლით მოიხსნება.

„მრავალი ფაქტორი საფრთხეს უქმნის აშშ-ის შესაძლებლობას, უზრუნველყოს საკმარისი ელექტროენერგიის გამომუშავება მომხმარებლის მოსალოდნელი მოთხოვნის დასაკმაყოფილებლად. ამ ფაქტორებს მიეკუთვნება ენერგეტიკული ბაზრების შეფერხებები, რაც გამოწვეულია რუსეთის უკრაინაში შეჭრით და ექსტრემალური ამინდის მოვლენები, რომლებიც გამწვავებულია კლიმატის ცვლილებით. მაგალითად, ქვეყნის ზოგიერთ ნაწილში, გვალვის პირობები და სიცხის ტალღები ერთდროულად იწვევს ელექტროენერგიის სავარაუდო დეფიციტს და ელექტროენერგიის რეკორდულ მოთხოვნას. ელექტრო რესურსების ადეკვატურობის უზრუნველსაყოფად, კომუნალური და ქსელის ოპერატორები წინასწარ უნდა ჩაერთონ ახალი სიმძლავრის შექმნაში, რათა მოემსახურონ მომხმარებლის მოსალოდნელ მოთხოვნას. მზის ენერგია არის ახალი ელექტროენერგიის ყველაზე სწრაფად მზარდი წყარო აშშ-ში. მზის უჯრედების და მოდულების მიუწვდომლობა საფრთხეს უქმნის იმ დაგეგმილ დანამატებს, რაც, თავის მხრივ, საფრთხეს უქმნის ელექტროენერგიის გამომუშავების საკმარისი სიმძლავრის არსებობას მომხმარებლის მოსალოდნელი მოთხოვნის დასაკმაყოფილებლად. მზის ენერგიის საშუალებით წარმოებული ელექტროენერგია ასევე გადამწყვეტია ჩვენი დამოკიდებულების შესამცირებლად წიაღისეული საწვავის წვის შედეგად წარმოქმნილ ელექტროენერგიაზე, რაც იწვევს კლიმატის ცვლილებას. თავდაცვის დეპარტამენტმა აღიარა კლიმატის ცვლილება, როგორც საფრთხე ჩვენი ეროვნული უსაფრთხოებისთვის“, – ნათქვამია განცხადებაში.

ასევე ნახეთ:

👉 დიდი დაპირისპირება კრიმინალურ სამყაროში - ტარიელ ონიანი ლავასოღლის წინააღმდეგ

👉 „She said yes“ - სალომეს შეყვარებულმა ხელი სთოხვა

👉 „იმედია, გამოვდგები ამ მხარესთვის და ხალხისთვის“ - რა ფოტოებს აქვეყნებს ალექსანდრა პაიჭაძე გურიიდან

👉 რა ხდება ამ წუთებში საგურამოში - კადრები სოციალურ ქსელში ვრცელდება

👉 VIDEO: ნინო ჩხეიძეს ტორტის ჩაქრობისას თმაზე ცეცხლი წაეკიდა