ჯო ბაიდენი დღეს იენს სტოლტენბერგს შეხვდება

აშშ-ის პრეზიდენტი ჯო ბაიდენი დღეს თეთრ სახლში NATO-ს გენერალურ მდივან იენს სტოლტენბერგს მიიღებს. ინფორმაციას CNN-ი ავრცელებს. 

გამოცემის ცნობით, ლიდერები უკრაინაში ომთან დაკავშირებით შემდგომ ნაბიჯებზე იმსჯელებენ. ასევე, განიხილავენ, თუ როგორ გააძლიერონ  NATO-ს ტრანსატლანტიკური მოკავშირეები და ისაუბრებენ NATO-ს მადრიდის სამიტის მოსამზადებელ ღონისძიებებზე.

იენს სტოლტენბერგი ასევე შეხვდება ეროვნული უსაფრთხოების საკითხებში თეთრი სახლის მრჩეველ ჯეკ სალივანს. მანამდე სტოლტენბერგი სახელმწიფო მდივან ენტონი ბლინკენს შეხვდა.