„ამერიკაში მშობლებს არ სურთ ბავშვი სახლიდან როგორც ბიჭი წავიდეს და ორ დღეში, როგორც გოგო დაბრუნდეს“ - ტრამპი

გამოქვეყნდა ტრამპის კიდევ ერთი განკარგულება, რომელიც ოფიციალურ დოკუმენტაციაში მხოლოდ ორი სქესის მითითებას ითვალისწინებს.

„ქალების დაცვა გენდერული იდეოლოგიის ექსტრემიზმისგან და ბიოლოგიური სიმართლის აღდგენა ფედერალურ მთავრობაში,“ -ასე ჰქვია ახალი პრეზიდენტის ბრძანებულებას. თემაზე ტრამპმა "ფოქს ნიუსთან" ისაუბრა და თქვა, რომ ამერიკაში მშობლებს არ სურთ, ბავშვმა სახლი დატოვოს როგორც ბიჭმა და ორ დღეში დაბრუნდეს როგორც გოგო. მისივე თქმით, დემოკრატიული პარტიის მხარდამჭერები ჯანსაღად ვერ აზროვნებენ.

„ამერიკელებს არ სურთ ნახონ კაცი, რომელსაც რინგზე ქალი სცემს, სწორია, არ უნდათ იხილონ კაცებისა და ქალების ერთობლივი სპორტი, არ სურთ ყველასთვის სქესის შეცვლა. არ სურთ, ბავშვი სახლიდან როგორც ბიჭი წავიდეს და ორ დღეში, როგორც გოგო დაბრუნდეს. მშობლებს არ სურთ ამის დანახვა. არსებობს შტატები, სადაც ეს შეიძლება მოხდეს,“- აცხადებს დონალდ ტრამპი.