"და მაინც საყდრის კარი გაიღო, და კაცმა თავი მსხვერპლად გაიღო" - რატი ამაღლობელის ლექსს თამაზ გინტურზე, დიდი გამოხმაურება მოჰყვა

გორის მუნიციპალიტეტის სოფელ კირბალის მიმდებარედ, ოკუპირებულ ტერიტორიაზე, რუსეთის საოკუპაციო ძალების მიერ მოკლული საქართველოს მოქალაქე თამაზ გინტური სამი დღის წინ დაკრძალეს.

გარდაცვლილის ძმის თქმით, თამაზ გინტური მშობლების საფლავზე იმყოფებოდა, რის შემდეგაც, ლომისის ეკლესიაში მივიდა...

"დაანთო სანთლები და რომ წამოვიდა მანქანით, უკნიდან დაცხრილეს. ორი ტყვია აქვს ზურგში მოხვედრილი" - ამბობს გივი გინტური...

რატი ამაღლობელმა ამ ფაქტთან დაკავშირებით საზოგადოებას სოციალურ ქსელში ლექსი წარუდგინა... ემოციურ ლექსს დიდი გამოხმაურება მოჰყვა.

საყდრის კარები
(თამაზ გინტურს)

მზე გადასული იყო ნახევრად,
შინ ბრუნდებოდა ტყიდან ნახირი.
ჩნდებოდა წითლად გზა-გზა ლაქები,
დიოდა ძროხა ზანზალაკებით.

ცოტა ხნით ადრე სოფლად მოისმა
მეხის გავარდნა, ანუ სროლის ხმა.
სოფელს, აჭედილ საყდრის ეზოდან -
კაცის სიკვდილის ხმები ესმოდა.

ქალი დაქვრივდა, შვილი დაობლდა,
ოღონდ მანამდე სასაფლაოდან
საყდრის ეზოსკენ ბილიკს აუყვა,
საყდარს დახშული კარი გაუღო.

მერე გაისმა ხმები საზარი,
ისროდა ტაძრის გადამრაზავი.
ისროდა მთელი ბნელი რუსეთი,
ხელში შოლტით და ჯვარცმის ლურსმნებით.

და მაინც საყდრის კარი გაიღო,
და კაცმა თავი მსხვერპლად გაიღო.
კაცი ვეება ძალას შეება,
გახსნა დახშული ცათა ბჭეები.
გულები გახსნა და შიგ სათბურად
დაისადგურა.

ასევე დაგაინტერესებთ:

„მკლავს და მენატრება ჩვენი განსხვავებული სიყვარული... შეხვედრამდე, ჩემო ერთგულო მეუღლევ და მეგობარო" - ერმალო მაღრაძის გარდაცვალებიდან ორი წელი გავიდა

„დღეს დედა დავასაფლავე… სირცხვილი თქვენ, ჩემო ძვირფასო მეგობრებო…” – რას წერს ტარიელ სუარი

„ქალებზე რომ უარს ვიტყვი, ჩათვალეთ, უკვე გარდავიცვალე!“- რატომ თქვა უარი გივი სიხარულიძემ, ახალი ოჯახის შექმნაზე

„შე ჩემის თვრამეტიანოს" დაბადებაში, ალბათ, ცოტა ხუმრობაც ერია... ეს გამოთქმა არსებობს იმ დროიდან, რაც თბილისში თანამედროვე მანქანები მომრავლდა... - აკა მორჩილაძე იუბილარია