„აჭარული მზითვის ფერი“ – ირმა შარიქაძის დოკუმენტური ფილმი, წლის საუკეთესო ფილმად დასახელდა

ფოტოხელოვანი, ირმა შარიქაძის დოკუმენტური ფილმი – „აჭარული მზითვის ფერი“ , პარიზის მოდის ფილმების AVSOFF Fashion Film Festival-ზე წლის საუკეთესო დოკუმენტურ ფილმად დასახელდა.

ფილმში, ფოტოხელოვანი გვიამბობს იმ ქალების ისტორიას, რომელსაც ქარგვის ნიჭი ტრადიციით ერგოთ და თაობიდან-თაობას გადასცემენ. ირმა შარიქაძემ, აჭარული ნაქარგები პირველად, თბილისში იხილა, შემდგომ კი – აჭარლების ზაფხულის იალაღებზე.

ფილმის მთავარი ინსპირაცია და მიზანი, ამ პროფესიის გადარჩენასთან არის კავშირში. როგორც, ფოტოხელოვანი ამბობს, ეს ტრადიცია საფრთხის ქვეშ არის და ნელ-ნელა მივიწყებას შეიძლება მიეცეს, ამ ყველაფრის გადასარჩენად კი ფოტოები საკმარისი არ არის.