1764264730
ევროკავშირის არაწევრი ქვეყნების მოქალაქეებისთვის ლუვრის ბილეთები 45%-ით გაიზრდება. შესაბამისი გადაწყვეტილება მუზეუმის მმართველობამ მიიღო.
მომავალი წლიდან, ისეთი ქვეყნების წარმომადგენლებისთვის, როგორებიცაა აშშ, დიდი ბრიტანეთი, ჩინეთი და სხვები ლუვრში შესვლა 32 ევრო ეღირება. გაძვირებული ბილეთებიდან მიღებული დამატებითი შემოსავალი ცნობილი გალერეის კაპიტალურ რემონტს მოხმარდება.
ყოველდღიურად ლუვრს 30 ათასი ადამიანი სტუმრობს. უმეტესობა იქ ლეონარდო და ვინჩის ლეგენდარული შედევრის, „მონა ლიზას“ სანახავად მიდის. მუზეუმის გადატვირთულობასთან ბრძოლის მიზნით, რემონტის ფარგლებში ტილოს ახალ სივრცეში გადაიტანენ.
