დედაქალაქში გზები თოვლისგან იწმინდება და ტექნიკური მარილი იყრება

ბოლო დღეების განმავლობაში თბილისში მოსული ნალექის გამო, გზები თოვლისგან ინტენსიურად იწმინდება. ტექნიკური მარილი იყრება დედაქალაქის ქუჩებში და შემოერთებულ ტერიტორიებზე. შპს „თბილსერვის ჯგუფის“ თანამშრომლები სპეცტექნიკის საშუალებით 24-საათიან რეჟიმში უწყვეტად მუშაობენ, - აღნიშნულია თბილისის მერიის მიერ გავრცელებულ ინფორმაციაში.

მათივე განცხადებით, თბილისი-პანტიანის გზის გაწმენდის სამუშაოებს შპს „თბილსერვის ჯგუფის“ დირექტორი გიორგი პაპავა გაეცნო.

„დღე-ღამის განმავლობაში შეუჩერებლად მიმდინარეობს გზების ტექნიკური მარილით დამუშავება. გაწმენდის სამუშაოებსა და მონიტორინგში ჩართულია „თბილსერვის ჯგუფის“ შესაბამისი სამსახურები. ყველა სატრანსპორტო კვანძი, სადაც მუნიციპალური ტრანსპორტი მოძრაობს, გახსნილია“, - აღნიშნა გიორგი პაპავამ.

თბილისის მერია მიმართავს მოსახლეობას, საგზაო-სატრანსპორტო მოძრაობის შეფერხების შემთხვევაში, მიმართონ „თბილსერვის ჯგუფს“ ცხელ ხაზზე - 2 61 90 50 ან თბილისის მერიის ცხელ ხაზს - 2 72 22 22 და დაუყოვნებლივ მოხდება რეაგირება.