საქართველოში ომიკრონის 335 შემთხვევა დადასტურდა

ამ დროისთვის საქართველოში  კორონავირუსის ახალი შტამის „ომიკრონის“ 335 შემთხვევაა ლაბორატორიულად დადასტურებული. ამის შესახებ ინფორმაციას დაავადებათა კონტროლის ეროვნული ცენტრი ავრცელებს.

„5 იანვრის მდგომარეობით, ლაბორატორიულად დადასტურებულია „ომიკრონის“ 335 შემთხვევა“, - აღნიშნულია გავრცელებულ ინფორმაციაში.

ცნობისთვის, ბოლო 24 საათში საქართველოში კორონავირუსით ინფიცირების 3567 ახალი შემთხვევა დაფიქსირდა, გარდაიცვალა კიდევ 41 პაციენტი.