„იყავით ფრთხილად! უბრალოდ გაციება მეგონა“ - რას წერს ინფიცირებული სოფო ჯაფარიძე

„მედგიდის” დამფუძნებელს, სოფო ჯაფარიძეს კორონავირუსი დაუდასტურდა. ამის შესახებ ის სოციალურ ქსელში წერს და აღნიშნავს, რომ ამ ეტაპზე გამოჯანმრთელების ფაზაშია.

„ორი წელი ხდება, რაც ჩემი ცხოვრება მთლიანად მოიცვა სხვა ადამიანების კოვიდთან ბრძოლამ და დადგა ის დღე, როდესაც მეც მომაკითხა.

პ.ს. იყავით ფრთხილად. უბრალოდ გაციება მეგონა, რადგან არც პსრ-ით და არც სწრაფი ტესტით არ დამიდასტურდა რამდენიმე დღის წინ, როდესაც სურდო დამეწყო. ახლა უკვე გამოჯანმრთელების ფაზაში ვარ

ყველას ჯანმრთელობას გისურვებთ მე ისევ ისე ვდგავარ თქვენს გვერდით, როგორც აქამდე. ჩემი კოვიდი არ შეგვიშლის ხელს. თუ რამე დაგჭირდათ, მომწერეთ“,- წერს სოფო ჯაფარიძე.