სამართალი • 1765561826

„ჯერ დანით დაჭრა, მეორე დღეს კი, ცეცხლსასროლი იარაღიდან ესროლა“ - ძალადობის და განზრახ მკვლელობის მცდელობის ფაქტებზე ბრალდებულს 17 წელი მიესაჯა

მცხეთის რაიონულმა სასამართლომ პროკურატურის მიერ წარდგენილი მტკიცებულებების საფუძველზე, თიანეთის მუნიციპალიტეტის სოფელ ღულელებში მომხდარი ძალადობის და განზრახ დამამძიმებელ გარემოებაში მკვლელობის მცდელობის ფაქტებზე ბრალდებული დამნაშავედ ცნო, - ამის შესახებ ინფორმაციას პროკურატურა ავრცელებს.„სასამართლო პროცესზე გამოკვლეული მტკიცებულებებით დადასტურდა, რომ მიმდინარე წლის 18 მარტს, სოფელ ღულელებში, ბრალდებულმა დანით დაჭრა დაზარალებული, ხოლო მეორე დღეს, ცეცხლსასროლი იარაღიდან ესროლა მას, რითაც განზრახ შეუქმნა საფრთხე სხვის სიცოცხლეს და ჯანმრთელობას, თუმცა განზრახვის სისრულეში მოყვანა ვერ შეძლო.მცხეთის რაიონულმა სასამართლომ ბრალდებული დამნაშავედ ცნო საქართველოს სისხლის სამართლის კოდექსის 126-ე მუხლის პირველი ნაწილითა და 19,109-ე მუხლის „ბ“ ქვეპუნქტით გათვალისწინებული დანაშაულის ჩადენაში და სასჯელის სახედ და ზომად 17 წლით თავისუფლების აღკვეთა განუსაზღვრა“, - ნათქვამია ინფორმაციაში.

საზოგადოება • 1765561272

გელა ბარკალაიამ მოდელ რძალს და შვილიშვილებს ოქროს სამკაულები აჩუქა, თავისი ინიციალებით

ცნობილი ბიზნესმენი, „მათე მოტორსის“ დამფუძნებელი გელა ბარკალაია მორიგ ვიდეოს აქვეყნებს. ლაივში გადასცა მან საახალწლო საჩუქრები შვილიშვილებს და რძალს, რომელიც დედის საფლავზე დანიშნა.ამჯერად მოდელ რძალს - სალომე სალაყაიას და შვილიშვილებს ძვირად ღირებული ოქროს სამკაულები გადასცა, მისივე ინიციალებით. მისი თქმით, ციხეში ყოფნისას გაიცნო ოქრომჭედლები, რომლებსაც უმაღლესი ხარისხის ოქროთი დაამზადებინა ეს ძვირფასეულობა.მან სხვა საჩუქრებიც გადასცა შეკრებილებს, მათ შორის იყო "აიფონ 17", წლობით ყულაბაში ნაგროვები თანხა და ა.შ.,,რასაც ახლა მე ვაკეთებ, სურვილი მაქვს, ყველას ბაბუამ გაუკეთოს თავის შვილიშვილებს მთელ საქართველოში. ყველას ჰქონოდეს საშუალება, - აღნიშნავს ბიზნესმენი. 

ფინანსები • 1765561103

ნახეთ, დოლარის და ევროს ფასი 13 დეკემბრისთვის

ეროვნული ბანკის მიერ გამოქვეყნებული მონაცემების თანახმად, 1 აშშ დოლარის ღირებულება 2.6985 ლარი გახდა. კურსი, რომელიც მანამდე მოქმედებდა, 2.6991 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0006 ლარი შეადგინა.რაც შეეხება ევროს, მისი კურსი 3.1640 ლარია. მაშინ, როცა მანამდე მოქმედი კურსი 3.1582 ლარს შეადგენდა. შესაბამისად, ევროს ცვლილება 0.0058 ლარი შეადგინა.

მსოფლიო • 1765561020

კიბოს თავდაპირველი დიაგნოზიდან 2 წლის შემდეგ, მეფე ჩარლზი ჯანმრთელობის მდგომარეობაზე საუბარს აპირებს

კიბოს თავდაპირველი დიაგნოზიდან თითქმის ორი წლის შემდეგ, მეფე ჩარლზი აპირებს გამოაქვეყნოს "პირადი შეტყობინება" მისი ჯანმრთელობის შესახებ. ამის შესახებ უცხოური მედია წერს.გამოცემის ცნობით, მეფე ჩარლზი 12 დეკემბერს Channel 4-ის ეთერში გამოჩნდება სპეციალური წინასწარ ჩაწერილი მიმართვით, რომელიც მისი ჯანმრთელობის მდგომარეობას ეხება. ეს გადაწყვეტილება მონარქისთვის უჩვეულოა, რადგან სამეფო ოჯახი იშვიათად ავრცელებს ასეთ პერსონალურ განცხადებებს ფართო აუდიტორიისთვის.მეფეს კიბო 2024 წლის თებერვალში დაუდგინდა. მას შემდეგ ჩარლზი რეგულარულ მკურნალობას გადის და დროებით შეამცირა საჯარო ღონისძიებებში მონაწილეობა, თუმცა სახელმწიფო საქმეებში ჩართულობა არ შეუწყვეტია.Daily Mail-ის ცნობით, მისი ახალი მიმართვა Stand Up To Cancer 2025-ის კამპანიის ფარგლებში გადაიცემა. მეფე ხაზს უსვამს კიბოს სკრინინგის მნიშვნელობას და პირად გამოჯანმრთელების გზასაც ეხმიანება. კამპანიის წამყვანი იქნება დავინა მაკკოლი, რომელმაც თავადაც გააზიარა კიბოსა და კეთილთვისებიანი ტვინის სიმსივნის გამოცდილება.მიუხედავად დიაგნოზისა, ჩარლზი ბოლო ორი წლის განმავლობაში საკმაოდ აქტიურია - წელს ხუთი სახელმწიფო ვიზიტიც ჩაატარა. ბუკინგემის სასახლე ამ ეტაპზე კვლავ არ აკონკრეტებს კიბოს ზუსტ ტიპს ან მკურნალობის დეტალებს.

საზოგადოება • 1765560800

გეტყვით 4 პროდუქტს, რომელთა ყიდვაც არავითარ შემთხვევაში არ შეიძლება - ექიმი საზოგადოებას მიმართავს

ექიმი გიორგი ღოღობერიძე გადაცემაში "დილა მშვიდობისა საქართველო" ასახელებს 4 ტიპის საკვებს, რომლებიც ჯანმრთელობისათვის განსაკუთრებით საზიანოა და სიმსივნის განვითარების რისკს ზრდის:- სწორი კვება ძალიან მნიშვნელოვანია იმიტომ, რომ ჩვენ ხშირად ჩვენივე ონკოლოგიური დაავადებების მიზეზი ვართ ხოლმე. როცა მაღაზიაში შევდივართ, უმეტესად, ისეთ რაღაცებს ვარჩევთ, რაც მალე მზადდება. გეტყვით 4 პროდუქტს, რომელთა ყიდვაც არავითარ შემთხვევაში არ შეიძლება. მნიშვნელობა არ აქვს თქვენს ასაკს:სწრაფი კვების საშუალებები, როგორებიცაა, სნექები, ჩიფსები თუ სხვა - ძალიან ცუდი საკვებია, განსაკუთრებით ონკოლოგიის განვითარების კუთხით. ჩემი რჩევა იქნება, რომ მსგავს საკვებს მაქსიმალურად მოვერიდოთ.გაყინული პროდუქტებში ძალიან ბევრი შემნახველი საშუალებაა დამატებული, რომ არ გაფუჭდეს და დიდხანს გაძლოს. ის რაღაცები, რაც საკვებს ინახავს, ჩვენში ონკოლოგიურ დაავადებებს იწვევს. ამიტომ, გაყინული ხორცპროდუქტები არ შევიძინოთ.მოვერიდოთ სწრაფ სუფებს. წყალი რომ უნდა დავასხათ და 5 წუთში მომზადდება... ასეთი საშინელი პროდუქტის მიღება სასტიკად არ შეიძლება. ჯანმრთელობისათვის ძალიან სახიფათოა.სამწუხროდ, საქართველოში ალკოჰოლი ძალიან პოპულარულია. დოზას მნიშვნელობა არ აქვს, ერთი ჭიქაც კი სახიფათოა. ჩემი ძალიან მყარი რჩევა იქნება, რომ ალკოჰოლი მაქსიმალურად შევამციროთ.თუ განსაკუთრებული დღეა და უნდა მივიღოთ, მცირე რაოდენობით მივირთვათ, მაგრამ, ადამიანს, რომელსაც C და B ჰეპატიტი აქვს და ალკოჰოლსაც იღებს, რას ელოდება? ალკოჰოლი შეიძლება, ძალიან ბევრი ონკოლოგიური დაავადების მიზეზი იყოს. უფრო ზუსტად, ალკოჰოლის მიღება ოთხი სიმსივნის განსაკუთრებული მიზეზი შეიძლება გახდეს. ესენია: ქალბატონების შემთხვევაში, სარძევე ჯირკვლის სიმსივნეები, ხახის, საყლაპავისა და ღვიძლის სიმსივნეები.