პოლიტიკა • 1715151700

სუს-ს განცხადება, სერიოზული გაფრთხილებაა იმ ხალხის მიმართ, ვინც უბრალო ადამიანების მსხვერპლის საფასურად ცდილობენ თავიანთი პოლიტიკური ჟინის დაკმაყოფილებას და რევოლუციის მოწყობას - ლევან ნიკოლეიშვილი

ექსპერტი ლევან ნიკოლეიშვილი სახელმწიფო უსაფრთხოების სამსახურის მიერ პარლამენტთან მიმდინარე აქციებთან დაკავშირებით გაკეთებულ განცხადებას ეხმიანება, რომლის მიხედვით, „პირთა გარკვეული ჯგუფები ცდილობენ, საქართველოს პარლამენტთან მიმდინარე აქციების დროს მოაწყონ პროვოკაციები, რაც მიზნად ისახავს დესტრუქციული და ძალადობრივი სცენარების განვითარებას და  რომელიც იმართება უცხო ქვეყნებიდან მომდინარე დაფინანსებით“.ექსპერტის თქმით, ის ფაქტი, რომ სუს-ი ასეთი სახის განცხადებას აკეთებს, ნიშნავს რომ შესაბამისი უწყებები მზად არიან პრევენციული ღონისძიებების გასატარებლად.„სუს-ს აღნიშნული განცხადება, სერიოზული გაფრთხილებაა იმ ხალხის მიმართ, ვინც უბრალო ადამიანების მსხვერპლის საფასურად ცდილობენ თავიანთი ავადმყოფური პოლიტიკური ჟინის დაკმაყოფილებასა და რევოლუციის მოწყობას. რა შედეგი შეიძლება მოჰყვეს ამას ვისაც საქართველოს უახლესი ისტორია ახსოვს კარგად იცის-მინიმუმ სამოქალაქო დაპირისპირება! თუმცა ის ფაქტი, რომ სუს-ი ასეთი სახის განცხადებას აკეთებს, ნიშნავს რომ შესაბამისი უწყებები მზად არიან პრევენციული ღონისძიებების გასატარებლად. კანონის აღსრულების „ბადეს“ სრულიად სამართლიანად სავარაუდოდ რამდენიმე რადიკალი პოლიტიკოსი და არასამთავრობოს წარმომადგენელიც მოჰყვება. ამ დროს არათუ აქაური რადიკალების, არამედ მათი უცხოელი პატრონების აღშფოთება-შეშფოთება-ტირილი-გოდება-განცხადებები გამოხატვის თავისუფლებისა და პოლიტიკური დევნის შესახებ არ მიიღება, როცა საკითხი ქვეყნის სტაბილურობასა და სუვერენიტეტს შეეხება.“-წერს ლევან ნიკოლეიშვილი სოციალურ ქსელში.

პოლიტიკა • 1715151162

მზადება მიდის პროცესების „მაიდანიზაციისათვის” - ზაალ ანჯაფარიძე

აქ ფბ-ში ზოგი ოპოზიციონერი გამწარებული მეკამათებოდა რა მაიდანი რის მაიდანიო. არადა, გაქანებული მზადება მიდის პროცესების "მაიდანიზაციისათვის”, - ასე ეხმიანება ექსპერტი ზაალ ანჯაფარიძე, სუს-ის განცხადებას, სადაც საუბარია კონკრეტული პირების მიერ სპეცდანიშნულების რაზმზე იერიშის მიტანის გეგმებზე, რომლებიც ახალგაზრდებს ავალებენ, პარლამენტის წინ მიიტანონ ადვილად აალებადი ნივთიერებები.ექსპერტის თქმით, ეს გახლავთ სწორედ გარედან შემოსული ფულებით ჩატარებული ტრენინგ-სემინარების ერთ-ერთი შედეგი, სადაც მავანთ რომ ჰკითხო, თურმე უწყინარ რამეებს ასწავლიდნენ მონაწილეებს.„აქ ფბ-ში ზოგი ოპოზიციონერი გამწარებული მეკამათებოდა რა მაიდანი რის მაიდანიო. არადა, გაქანებული მზადება მიდის პროცესების "მაიდანიზაციისათვის."ეს გახლავთ სწორედ გარედან (ვიცით საიდანაც) შემოსული ფულებით ჩატარებული ტრენინგ-სემინარების ერთ-ერთი შედეგი, სადაც მავანთ რომ ჰკითხო, თურმე უწყინარ რამეებს ასწავლიდნენ მონაწილეებს. როგორც ერთხელ ითქვა: "ჭკუით ქართველებო!"“- წერს ანჯაფარიძე.

პოლიტიკა • 1715151096

სუს-მა მკაფიო საჯარო გზავნილი გამოაქვეყნა, რომ ავაზაკებს ქვეყანას არ ააყირავებინებს, ნაცრევანშისტები საქართველოს ვერ დაეპატრონებიან - გია აბაშიძე

ანალიტიკოსი გია აბაშიძე სუს-ის განცხადებას ეხმიანება, სადაც საუბარია გარკვეული ჯგუფების მცდელობაზე, პარლამენტთან მიმდინარე აქციების დროს მოაწყონ პროვოკაციები, განავითარონ ძალადობრივი სცენარები, რაც დემონსტრანტებს შორის მძიმედ დაშავებულებს და მსხვერპლს გამოიწვევს.ანალიტიკოსის თქმით, რაც არ უნდა კრიპტოვალუტა დახარჯონ, რევანშისტები ქვეყანას ვერ დაეპატრონებიან, რაზეც სუს-ის საჯარო გზავნილიც მიუთითებს.“საქართველოს უსაფრთხოების სამსახურმა მკაფიო საჯარო გზავნილი გამოაქვეყნა, რომ ავაზაკებს ქვეყანას არ ააყირავებინებს. რაც არ უნდა თუნდაც კრიპტოვალუტა ხარჯონ, ნაცრევანშისტები საქართველოს ვერ დაეპატრონებიან!” - წერს გია აბაშიძე სოციალურ ქსელ Facebook-ზე.

დედაქალაქი • 1715151057

თბილისის ქუჩები, რომლებსაც დღეს შუქი არ ექნება - ნახეთ მისამართები

გადაუდებელი სამუშაოების ჩატარების გამო 8 მაისს თბილისის ქუჩების ნაწილს ელექტრომომარაგება დროებით შეუწყდება. ამის შესახებ ინფორმაციას კომპანია თელასი ავრცელებს.შეზღუდვა შეეხება შემდეგ ქუჩებს:ნაძალადევის რაიონიგადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: ზღვისუბნის დასახლების III მიკრორაიონის II, III კვარტლების (ნაწილობრივ), რომელაშვილის და დავით ნიშნიანიძის ქუჩების მოსახლეობას.გლდანის რაიონიგადაუდებელი სამუშაოების გამო 10:00 საათიდან 16:00 საათამდე შეზღუდვა შეეხება: მუხიანის დასახლების (ნაწილობრივ), მუხიანის I, II, III მიკრორაიონების (ნაწილობრივ), გლდანის მასივის I მიკრორაიონის (ნაწილობრივ), სოფელი გლდანის, წმინდა ნინოს, მარატ ნოზაძის, ლეო კერესელიძის, ალეკო გობრონიძის და დუმბაძის ქუჩების მოსახლეობას.„კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება“, - აცხადებენ თელასში.

შემთხვევა • 1715150798

გორის ერთ-ერთ სამშობიაროში ჩვილი დაიღუპა

„გორმედის“ სამშობიაროში ჩვილი დაიღუპა. მშობიარის ოჯახის წევრები მომხდარში ექიმს ადანაშაულებს.ჩვილის გარდაცვალებაზე რეგულირების სააგენტომ მოკვლევა დაიწყო. სამედიცინო ცენტრის თქმით, კლინიკა კომენტარს კომისიის დასკვნის შემდეგ გააკეთებს.„საქმის მოკვლევა დაიწყო რეგულირების სააგენტომ როგორც კი კომისია დადებს დასკვნას, კლინიკა თვითონ გააკეთებს კომენტარს“, – აცხადებენ „გორმედში“.ვრცლად ↓