„ყველაზე მეტად როცა მჭირდებოდა, მაშინ წავიდა მამიკოსთან...“ - ნინი შერმადინის ემოციური სიტყვები დედაზე

მომღერალი ნინი შერმადინი, რომელიც წლებია, აშშ-ში ცხოვრობს, დედას ემოციურად იხსენებს და წერს:

დღეს ყველაზე ტკბილი, რბილი, ფაფუკი და კეთილი ფისოს დაბადების დღეა. ჩემი საუკეთესო დაქალის, რომელიც ძალიან მაკლია. ყველაზე მეგობრული და თანამედროვე ფისუნიას დაბადების დღე. ჩემი ლამაზი გოგოს დაბადების დღე… არ ვიცი, როგორ გადის დრო, უფერულია და უხალისო შენ გარეშე, ყველაზე მეტად როცა მჭირდებოდა, მაშინ წავიდა მამიკოსთან.

ძალიან მიჭირს უთქვენობა, მაგრამ  იმდენი წელი ვიყავით შორს ერთმანეთისგან, ახლაც მგონია, რომ ჩამოვალ და ჩაგიხუტებ. აუცილებლად მოვა ეგ დღე, როცა ნამდვილად ჩავეხუტებით ერთმანეთს მანდ, სადაც არასდროს აღარ ვიქნებით შორს ერთმანეთისგან.  როდის, არ ვიცი, მაგრამ მოვა. ძალიან მიყვარხარ და მენატრები. გილოცავ დაბადების დღეს იქ, სადაც ხარ. უფალმა აცხონოს შენი ლამაზი სული…