„ქართული ოცნების“თავმჯდომარე

ირაკლი კობახიძე მორაგბეებს, გელა აფრასიძეს და მიხეილ ნარიაშვილს, ​ საფრანგეთის ჩემპიონობას ულოცავს

„ქართული ოცნების“ თავმჯდომარე, ირაკლი კობახიძე მორაგბეებს, გელა აფრასიძეს და მიხეილ ნარიაშვილს ​ საფრანგეთის ჩემპიონობას ულოცავს.

„ჩვენ საამაყო მორაგბეებს, გელა აფრასიძეს და მიხეილ ნარიაშვილს ვულოცავ საფრანგეთის ჩემპიონობას!!!“,- წერს ირაკლი კობახიძე.

„მონპელიე“, რომლის ღირსებას ქართველი მორაგბეები გელა აფრასიძე და მიხეილ ნარიაშვილი იცავენ, საფრანგეთის ჩემპიონი გახდა.

TOP 14-ის ფინალში „სტად დე ფრანსზე“ „მონპელიემ“ „კასტრი“ 29:10 დაამარცხა. აღსანიშნავია, რომ „კასტრშიც“ ირჯება ქართველი მორაგბე - ლევან ჩილაჩავა. ქართველები ძირითად შემადგენლობაში არ იყვნენ, მაგრამ მეორე ტაიმში მოედანზე გამოჩნდნენ.

ჩილავაჩავამ 52-ე წუთიდან ითამაშა, აფრასიძემ კი 58-ე წუთიდან. ტრავმის გამო ფინალში არ უთამაშია ნარიაშვილს. აღსანიშნავია, რომ ნახევარფინალში „მონპელიეს“ აფრასიძემ 6 ქულა შესძინა და ფინალში მისი გუნდის გასვლაში დიდი წვლილი შეიტანა.

„მონპელიე“ საფრანგეთის ჩემპიონი ისტორიაში პირველად გახდა.