Met gala 2023-თვის Doja Cat კარლ ლაგერფელდის კატად იქცა

ცოტა ხნის წინ მეთ გალა 2023 ნიუ-იორკის მეტროპოლიტენის მუზეუმში საზეიმოდ გაიხსნა. წლევანდელი მეთ გალა თანამედროვე მოდის ინდუსტრიის ლეგენდას, დიზაინერ კარლ ლაგერფელდს მიეძღვნა. "კარლის პატივსაცემად", - სწორედ ასე ერქვა წლევანდელი მეთ გალას თემას. ინფორმაციას უცხოური მედია ავრცელებს.

წლევანდელი მეთ გალასთვის Doja Cat-მა მეტსახელის გამართლება გადაწყვიტა და კატად იქცა. უფრო მეტიც, მომღერალი კარლ ლაგერფელდის კატის, შუპეტის, მსგავსად გამოეწყო ისე რომ, მაყურებლებს მისი ცნობა ცოტათი გაუჭირდათ.

Doja Cat-მა მეთ გალაზე Chanel-ის კაბა მოირგო, რომელსაც ფისოს ყურებიც ახლდა. რაც შეეხება მაკიაჟს, მომღერალს სახეზე სპეციალური ნიღაბი ეკეთა, რათა მისი ცხვირი და პირი კატას დამსგავსებოდა, ხოლო თვალები უფრო მაღლა აეწია.