"არა ალკოჰოლი, არა სქესობრივი კავშირი..." - რას აპროტესტებს მსოფლიო დონის რეპერი

45 წლის რეპერი კანიე უესტი 30 დღით უარს ამბობს ლაპარაკზე, სქესობრივი კავშირზე, ფილმებზე და ალკოჰოლზე, რადგან "სიტყვიერი მარხვის" დაწყებას აპირებს, ინფორმაცია საკუთარ Twitter-ზე გამოაქვეყნა.

"ვიღებ 30-დღიან წმენდას. სიტყვიერი მარხვა -არა ალკოჰოლი, არა მოზრდილთა ფილმები, არანაირი სქესობრივი კავშირი. ღმერთს ვადიდებთ! ამინ. მაგრამ ჩემი Twitter-ი მაინც ანთია."
აქვე ამატებს: "ერთი თვეა, არავის ველაპარაკები" - წერს კანიე.

გამოქვეყნებიდან რამდენიმე წუთში, რეპერმა რამდენიმე ტვიტი გააზიარა სათაურით,- "დიდება ღმერთს".

და დაასრულა შემდეგი სიტყვებით: "ცოტა მეძინება, მაგრამ ხვალ... გპირდებით, რომ ეს იქნება ყველა სასიყვარულო სიტყვის თავმოყრა - ბიჭებო, გპირდებით."

45 წლის რეპერმა ეს გადაწყვეტილება მას შემდეგ მიიღო, რაც ანტისემიტური ტვიტის შემდეგ გასულ თვეს Twitter-ის ანგარიში გაუუქმეს. თუმცა პლატფორმის ახალმა მფლობელმა ილონ მასკმა რამდენიმე დღის წინ დაადასტურა, რომ ვარსკვლავის ანგარიში აღდგენილია.

კანიეს ყოფილმა მეუღლემ კიმ კარდაშიანმა კი მალევე გამოთქვა თავისი უკმაყოფილება მისი ანტისემიტური განცხადების მიმართ:

„მე ვდგავარ ებრაულ საზოგადოებასთან და მოვუწოდებ, მათ მიმართ საშინელი ძალადობისა და სიძულვილის ენის დაუყოვნებლივ დასრულებას“.