ვაზისუბანში, კორპუსში ხანძარი გაჩნდა

თბილისში, ვაზისუბნის დასახლებაში, საცხოვრებელი კორპუსის მეხუთე სართულზე ხანძარი გაჩნდა.

როგორც ,,პრაიმტაიმს"  საგანგებო სიტუაციების მართვის სამსახურში განუცხადეს, ცეცხლი, ამ დროისთვის, ლიკვიდირებულია.

მათივე ცნობით, შემთხვევის შედეგად არავინ დაშავებულა. დამწვარია ერთი საცხოვრებელი ბინა.

ხანძრის გამომწვევი მიზეზი, ჯერჯერობით, უცნობია.

შემთხვევის ამსახველი ფოტო სოციალურ ქსელში გავრცელდა.