უბედური შემთხვევა სრიალისას მოხდა, დაშავებულია კიდევ ერთი პირი - ახალი დეტალები ბაკურიანში მომხდარზე

ბაკურიანში, ერთ-ერთ სათხილამურო ტრასაზე, ერთი ადამიანი დაიღუპა, ერთი კი დაშავდა. 

როგორც „პრაიმტაიმისთვის“ გახდა ცნობილი, უბედური შემთხვევა სრიალისას მოხდა.

35 წლამდე ასაკის კაცი მოზარდს დაეჯახა, რომელიც შემთხვევის დროს დაშავდა. ახალგაზრდა კაცი კი, ადგილზე მისულ სასწრაფო სამედიცინო დახმარების ჯგუფს გარდაცვლილი დახვდა. დაშავებული მოზარდი კლინიკაშია გადაყვანილი. გავრცელებული ინფორმაციით, მას დაზიანება ქვედა კიდურების არეში აქვს.

„პრაიმტაიმს“ შინაგან საქმეთა სამინისტროში უთხრეს, რომ გამოძიება სსკ-ის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს. დამატებითი დეტალები უცნობია.

სხვა ამბები:

რა ეღირება უქმეებზე დოლარი და ევრო

„11 დღე იყო უგონოდ, მაგრამ ვგრძნობდი, ჩემი ხმა ესმოდა... “ - ბანერზე ნაპოვნი საბედისწერო სიყვარული, რომელსაც სიკვდილმა ვერაფერი დააკლო

სასწაულები ახლაც ხდება - რა საიდუმლოს ინახავს, ღვთისმშობლის შობის სახელობის სამლოცველო წალკაში