1691045330
წყალტუბოში ავტომობილი გზიდან გადავარდა - რა ხდება ადგილზე

წყალტუბოს მუნიციპალიტეტის სოფელ გეგუთში ავტომობილი გზიდან გადავარდა.
გავრცელებული ინფორმაციით, ავტომობილში 3 ადამიანი იჯდა. დაშავებულია ავტომანქანის მძღოლი, რომელიც სასწრაფო-სამედიცინო დახმარების ბრიგადამ კლინიკაში გადაიყვანა. დაშავებულის სიცოცხლეს საფრთხე არ ემუქრება.
ადგილზე სამაშველო და საპატრულო პოლიციის ეკიპაჟი იყო მობილიზებული. მომხდარზე დაწყებულია გამოძიება.